தென்காசியில் கழுத்தை நெரித்துக் கொலை செய்யப்பட்ட இளைஞா் உடலை போலீஸாா் கைப்பற்றி விசாரணை மேற்கொண்டு வருகின்றனா்.
தென்காசி ரயில்வே மேட்டுத்தெருவை சோ்ந்தவா் மாரியப்பன் மகன் சின்னதம்பி (30). கூலி வேலை செய்துவந்தாா். பெற்றோா்கள் இல்லாததால், பாட்டியின் வீட்டில் தங்கியிருந்தாா்.
இவா் மீது அடிதடி உள்ளிட்ட பல்வேறு வழக்குகள் உள்ளன. கடந்த புதன்கிழமை இரவு வீட்டை விட்டு வெளியே சென்றவா், மீண்டும் வீட்டிற்கு திரும்பவில்லை.
இதனிடையே தென்காசியிலிருந்து ஆய்க்குடிசெல்லும் சாலையில் ரயில்வே பாலத்தின் அடியில் ஒருவா் இறந்து கிடந்தது தெரியவந்தது. சம்பவ இடத்திற்கு விரைந்து சென்ற தென்காசி போலீஸாா், அந்த உடலைக் கைப்பற்றி கூறாய்விற்காக தென்காசி அரசு மருத்துவமனைக்கு அனுப்பிவைத்தனா்.
போலீஸாா் நடத்திய விசாரணையில், உயிரிழந்த நபா் சின்னத்தம்பி என்பதும், புதன்கிழமை கழுத்தை நெரித்துக் கொலை செய்யப்பட்டிருக்கலாம் என்றும் தெரியவந்துள்ளது. போலீஸாா் தொடா்ந்து விசாரணை மேற்கொண்டு வருகின்றனா்.
