தமிழ்நாடு நெடுஞ்சாலைத்துறை சாலைப் பணியாளா்கள் திருநெல்வேலி சந்திப்பு சிந்துபூந்துறையில் வெள்ளிக்கிழமை மக்கள் சந்திப்பு கையெழுத்து போராட்டத்தில் ஈடுபட்டனா்.
மாநில நெடுஞ்சாலை ஆணையம் அமைத்து வெளியிடப்பட்ட அரசாணையை திரும்பப் பெற வேண்டும், சாலைப் பணியாளா்களின் 41 மாத பணி நீக்க காலத்தை சென்னை உயா் நீதிமன்ற ஆணையின்படி பணிக்காலமாக முறைப்படுத்தி உத்தரவு வழங்க வேண்டும். மாநில நெடுஞ்சாலைகள் அனைத்தையும் அரசே நிா்வகித்து பராமரித்திட வேண்டும் என்பன உள்ளிட்ட கோரிக்கைகளை வலியுறுத்தப்பட்டன.
இப்போராட்டத்துக்கு மாவட்டத் தலைவா் சுந்தரபாண்டி தலைமை வகித்தாா். அரசு ஊழியா் சங்க மாவட்டத் தலைவா் வி.பாா்த்தசாரதி ஆா்ப்பாட்டத்தை தொடங்கி வைத்தாா். கால்நடை ஆய்வாளா் சங்க மாவட்டச் செயலா் ஆழ்வாா், அரசு ஊழியா் சங்க மாவட்டச் செயலா் பிரகாஷ், கோபல கிருஷ்ணன், நாராயணன் ஆகியோா் வாழ்த்தி பேசினா்.
திருநெல்வேலி சாலைப் பணியாளா் சங்க பெருளாளா் எம்.முருகன் நன்றி கூறினாா்.
