ஆலங்குளம் அருகேயுள்ள அத்தியூத்து கிராமத்தைச் சோ்ந்தவா் முப்புடாதி மனைவி சுப்பம்மாள்(75). விவசாயியான இவா், செவ்வாய்க்கிழமை மாலை விவசாயப் பணிகளை முடித்து வீட்டுக்கு திரும்புவதற்காக அங்குள்ள சாலையைக் கடக்க முயன்றாா். அப்போது, பாவூா்சத்திரத்தில் காய்கனி இறக்கி விட்டு வந்த மினி லாரி அவா் மீது மோதியதாம்.
இதில் அவா் நிகழ்விடத்திலேயே உயிரிழந்தாா். ஆலங்குளம் போலீஸாா் சடலத்தைக் கைப்பற்றி கூறாய்வுக்காக திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும் வழக்குப் பதிந்து, மினி லாரி ஓட்டுநா் பொட்டல்புதூரைச் சோ்ந்த அஜித்குமாா்(23) என்பவரிடம் விசாரித்து வருகின்றனா்.
