இன்றைய வணிகத்தில் வங்கிகளுக்கு இடையிலான அந்நியச் செலாவணியில் ரூபாய் மதிப்பு 11 காசுகள் சரிந்து ரூ. 86.46 காசுகளாகத் தொடங்கியது. பின்னர் படிப்படியாகச் சரிந்து ரூ. 86.52 காசுகளாக இருந்தது.
வணிக நேர முடிவில் நேற்றைய மதிப்பில் இருந்து 12 காசுகள் சரிந்து ரூ. 86.47 காசுகளாக வணிகமானது.
பங்குச் சந்தை நிலவரம்
மும்பை பங்குச்சந்தை குறியீட்டு எண் சென்செக்ஸ் 115.39 புள்ளிகள் உயர்ந்து 76,520.38 புள்ளிகளாக வணிகம் நிறைவு பெற்றது. மொத்த வணிகத்தில் இது 0.15 சதவீதம் உயர்வாகும்.
தேசிய பங்குச்சந்தை குறியீட்டு எண் நிஃப்டி 50 புள்ளிகள் உயர்ந்து 23,205.35 புள்ளிகளாக நிறைவு பெற்றது. இது மொத்த வணிகத்தில் 0.22 சதவீதம் உயர்வாகும்.
இதையும் படிக்க | சொல்லப் போனால்… 1 டாலர் – 100 ரூபாய்?